KWA MATANGAZO PIGA SIMU NAMBA (+255) 0758474500

IDADI YA WAGENI

February 3, 2016

TUTOTO TUCHANGA TWA SIKU HIZI TUNAZALIWA TUKOROFI


Kila mtu anapenda watoto wachanga. Hata jitu ambalo huwa mara nyingi halicheki na mtu liko siriaz wakati wote likikutana na katoto kachanga utakuta linaanza kutabasamu, tena likibeba katoto kachanga utaona nalo linageuka kuwa litoto. Utaona linaanza kuongea na mtoto mchanga lugha za ajabu kabisa utadhani wanaelewana, utasikia, ‘Shum Babu toto shum babu, au shum bibi, shum antii aijigijigijigi, awawawawa, abububujijiji’ na maneno mengine yasiyoeleweka eti ndio mtoto atacheka. Leo niwape siri, mnajua kwanini vitoto huwa vinacheka sana? Vitoto vichanga huwa vinacheka kuona baba zima au mama zima halijui kuongea vizuri, kitoto kinajisemea moyoni, ‘Huyu mkubwa mzima mzima badala ya kuongea mambo ya maana eti anasema abujibujibujibuji’ kimsingi watoto wachanga wanawacheka sana, muwe mnaongea nao kikawaida, sawa ndugu zangu?
Leo niwape ushauri wababa wenzangu kuhusu taratibu  mbalimbali za kufwata kabala ya kucheza na watoto wachanga, vitoto vichanga vina akili sana  hivyo basi sio kuanza kuvibeba kabla ya kujitayarisha. Najua wabishi wameshakaa mkao wa kubisha, lazima saa hizi wanasema kimoyomoyo,’ Hakuna kitu kama hicho, watoto ni malaika’. Mi nasema sawa hebu nisikilizeni kwanza. Wababa wenzangu, sharti la kwanza usicheze na mtoto mchanga ambaye ndio kwanza katoka kunyonya wakati umevaa shati la au koti lako la bei mbaya, hakikisha imeshapita japo nusu saa tangu amenyonya ndipo uanze kumrusharusha. Watoto hawa wajanja sana, wakijua kuwa umevaa kitu cha bei mbaya  watakutaim na kutumia nafasi hiyo kukucheulia maziwa na kama hukujiangalia vizuri unaweza ukaingia kwenye daladala na michirizi  ya maziwa ya mgando mgongoni.
Sharti la pili linahusu wale ambao hupenda kucheza na watoto kwa kuwanyanyua juu ya vichwa yao, kabla hujaanza kamchezo hako, hakikisha mtoto kavaa nepi. Katoto kakijua una kamchezo hako, katajifanya kanacheka sana na kufurahi kila ukikanyanyua juu, kumbe huo mtego, iko siku ukikanyanyua juu kama hakana nepi katakutaimu na kukukuharishia kichwani, chunga sana, maana inawezekana wakati huo mdomo wako uko wazi. Hutu tutoto twa siku hizi tunaanzaga ukorofi tumboni.

Posted By John KitimeWednesday, February 03, 2016

January 27, 2016

CHEZEA BAJAJI WEWE....KHAAA


Posted By John KitimeWednesday, January 27, 2016

HOME MADE SELFIE STICK....BISHA


Posted By John KitimeWednesday, January 27, 2016

JANUARI MBONA NDEFU HIVI?



Hivi hii Januari inaisha lini? Kila kila mtu analalamika, kila mtu kanuna. Chakuchekesha kila mtu alikuwa anashangilia siku mwaka mpya ulipoingia,  ilikuwa kelele za furaha kila mtaa, watu walikula na kunywa  kila kona ulisikia watu wakisema, ‘ Mwaka mpyaa huoooo, asante Mungu nimeuona’. Ilikuwa chereko chereko, hata mama mwenye nyumba wangu alinikumbatia, Mangi nae alinitumia meseji ya kunitakia mwaka mpya, kwa kawaida mesej zake ananikumbusha anachonidai. Wengine tukawa tunatuma  ujumbe wa pongezi kwenye simu kwa wake zetu, wake zetu watarajiwa, wake maboresho, wake academia, michepuko, michepuko maboresho, michepuko academia, basi raha tupu. Tarehe moja januari ilikuwa kula kunywa kufurahia mwaka mpya. Furaha yote ilianza kuisha tarehe tano, mama mwenye nyumba kaanza kukumbushia kodi, meseji za Mangi zikaanza tena kukumbushia deni, mfukoni kweupeeeee. Kila unaemwendea analalamika, ‘Januari hii mwanangu sijui pesa imeenda wapi’. Hata yule ambae hujawahi kusikia ana mtoto Januari hii utasikia anaaza, ‘Nimebanwa watoto wanahitaji ada, madaftari, na yunifom sina kitu kabisaa’. Najua ilikuwa fiksi ada si imeondolewa, au jamaa anamsomesha mwanae praivet?
Jioni ikifika unajishauri jinsi ya kuingia kwenye chumba chako mwenyewe, ukifika mtaani unacheki kwanza mwenye nyumba yuko wapi. Unajua ikifika Januari wenye nyumba wanapenda sana kukaa karibu na mlango wa mbele na kusababisha ugumu wa mtu kuingia kwenye chumba chako.  Inalazimika kucheza mchezo wa paka na panya, akikosea akapotea kidogo unanyata na kuingia chumbani kwako, unaminya kimyaa. Hakuna kuwasha TV wala taa, unaingia kwenye shuka saa moja usiku ndo unalala hivyo hadi kesho yake. Huko nje unamsikia mama mwenye nyumba anauliza, ‘Huyu mshenzi hajarudi bado? Ngoja arudi leo atanijua mi nani? Hapo ukilala hujigeuzi zisije zikasikika chaga za kitanda ukashtukiwa. Simu unaweka kwenye ‘silent’, maana katika kipindi hiki kuna simu nyingi toka kwa wale uliowatakia heri ya mwaka mpya, mke maboresho ,mchepuko maboresho, mke academia na mchepuko academia, hapo ujue wanabip na kutuma mesej kila moja akikutaarifu kuwa ‘kaishiwa hatari’.
Panya wana tabia mbaya sana ya kuanza kusumbua kipindi hiki, utakuta panya kakupitia usoni na kwa kuwa ni kiza unaweza ukajikuta umepiga ukelele wa nguvu bila kujua.  Chezea Januari wewe…
John Kitime
0763722557

Posted By John KitimeWednesday, January 27, 2016

SIINGII DISCO TENA


Yaliyonikuta Jumamosi iliyopita sitasahau, ila niseme tu siingii tena disco. Unajua enzi zetu disco lilikuwa raha sana, wakati huo wanamuziki waliokuwa wanatamba walikuwa Bonney M, ABBA, najua hamuwajui hao walikuwa wana vibao moto kama Chikitita na Bonononos vikipigwa hivyo tulikuwa tunajimwaga ukumbini kwa shangwe na hoyehoye, suruali zetu zilizokuwa zinabana kiunoni na huku chini zilikuwa pana, shati zimebana kifuani yaani tulikuwa wa kisasa kweli si mchezo. Tena nyie hamna jipya sisi tulikuwa tunabana shati ila suruali pana nyie mnabana suruali ila mashati mnavaa mapana. Haya nisiende huko, nirudi mambo yaliyonikuta Jumamosi. Huyu mjukuu wangu anaevaa suruali ikiwa inakaribia kuanguka muda wowote kanikaribisha kwenda nae Disco, nilimcheka na kumwambia mimi nimewahi kuwa mpiga disco enzi zangu sioni kuna jipya huko kwenye midisko toto. Akang’ang’ania “Babu njoo uone swaga za washaji”. Basi nikamkubalia ili nimtoe ushamba. Kwanza kitu cha ajabu akanambia tutaondoka nyumbani saa saba usiku, nikamwambia si ndio itakuwa karibu wanafunga disco, akajibu hapo ndio taim ya kuanza. Hatimae tukafika ukumbi wa disco, hapo nje nikakuta vibinti vimevaa nguo za kiajabu ajabu nikabaki kutoa macho tu. Mjukuu wangu akanishika mkono tukaelekea ndani. Kilichonishtua karibu nipate ugonjwa wa moyo, ni sauti, muziki ulikuwa juu, lile bezi nilikuwa nalisikia kama likitaka kunitoa roho, nikaanza kujivuta ili nikimbie nje, mjukuu wangu akanishika kwa nguvu na kunivutia ndani, huko ndani taa za rangi rangi zilinichanganya hata nikawa sioni nilikotoka wala ninakokwenda, baadae zikaja taa zikiwafanya watu kuonekana kama mashetani yanacheza, kama vile watu wanagandaganda, mapigo ya moyo yakaanza kupanda, moshi wa masigara yao waliyoyaweka kwenye chupa yakawa yananiziba pumzi, muziki unagonga kwenye tumbo, jasho likaanza kunitoka. Nikakuta mjukuu kanifikisha kwenye kochi, ‘ Babu unakunywa nini nikuletee?’ Sikuwa na hamu ya chochote nilikuwa nataka kurudi nyumbani tu, nilijua nikikaa hapa nusu saa nyingine nakufa. Nikalazimika kumwambia mjukuu wangu, “Nirudishe nyumbani nakufa sasa hivi”
“Lakini babu mi napafom sasa hivi subiri nikipafom ntakurudisha hom”. Kifupi sikumbuki mengi zaidi ya taa za marangirangi, na kelele nyingi na presha kupanda. Hatimae mjukuu akaja kunambia haya babu twende home leo hapa ilikuwa mzuka sana vipi uliufeel?” Asubuhi niliamka moyo bado unaenda mbio, nimeapa sitaenda tena disco

Posted By John KitimeWednesday, January 27, 2016

December 30, 2015

Teh teh teh kwaheri 2015 karibu 2016


Kwanza nawatakieni wote heri kwa mwaka mpya 2016, hata wale waliomaliza mwaka kwa ‘kutumbuliwa majipu’. Unajua ni ngumu kidogo kuwaonea huruma kwa kuwa nimegundua kumbe ile barabara ya mtaani kwetu mliotusumbua kwa kuifunga miezi kadhaa kwa kisingizio cha kuitengeneza kumbe ilikuwa kanyaboya, yaani mtaa mzima mlitufanya  mafala, tukawa tunajisifu tuna barabara ya lami miezi mitatu tu baadae lami imefutika.
Nawatakia heri wanasiasa waliowini na wale ambao  hawakuwini, na wale wanaodhani waliwini lakini eti hawakuwini na wale waliowini lakini kikweli hawakuwini.
 Kila unapoanza mwaka lazima upime yaliyopita na ujipange kwa yajayo. Mimi pia nimeamua nijiwekee mikakati ya 2016 kwa kuangalia mpango kazi wa 2015.
1.     Mwaka 2015 nilipanga nipunguze kitambi. Hili nimeweza kutokana na mshkaji aliyekuwa akininunulia bia katumbuliwa jipu, bia za bure na mshkaki vimepotea ghafla. Na ujue huyu jamaa alikuwa kama benki yangu inayotembea, sasa ni full ukame. Kitambi kimepotea chenyewe.
2.     Nilipanga kuwa lazima 2015 nihakikishe kila mwezi naweka benki alfu 50. Hili limeshindikana, yaani nchi hii kwa mizinga dahh, ukipata hela utadhani wananusa, haipiti dakika kumi mesej zinaanza utasikia huyu anaomba vocha yule anaomba mchango wa luku, mwingine anakukumbusha ulisema utamnunulia simu. Wengine wanakumbusha michango ya harusi dahh. 2016 sitaki mchezo. Tunaomba kampuni za simu zizuie mesej za kuombana hela.
3.     Nilipanga lazima 2015 nioe demu wa Bongomuvi. We we we we, mwanzoni mwa mwaka ilikuwa kazi ngumu, toka majipu yametumbuliwa, inalazimika niwakimbie, kama sita hivi wanataka niwaoe. Hamnipatiiii, doli doliii
4.     Usafiri 2015 lazima. Imeshindikana na ni wazi 2016 ntaendelea kusota na daladala, hii ishu ya levo siti, ina maana japo ntakuwa siibiwi mara nyingi mwaka 2016.
5.     Nilipanga 2015 cheo lazima. Nilikosa mwaka huo, ni wazi kwa miaka mitano ijayo hakuna cheo cha kirahisirahisi, Kwanza hii spidi ya Hapakazi tu mi siwezi. Cheo nini bwana.
6.     2015 lazima nitoe singo. Kwani mimi nina nini na Diamond ana nini? Watu wenye roho mbaya walinilogwa 2015, lakini 2016 lazima nitoe singo kali yenye ujumbe mzito


Posted By John KitimeWednesday, December 30, 2015

October 16, 2015

JE WEWE NI MLEVI AU MNYWAJI?



Leo ningependa kutoa somo kwa wale jamaa zangu walioanza tabia ya kunywa pombe na hawajajua kama sasa wamefuzu na wao sasa wanaweza kuitwa  walevi rasmi. Somo hili ni muhimu maana nimeshakuta watu wengi wakibisha kuwa wao si walevi ila wanywaji tu wa pombe. Baada ya darasa hili nategemea mtu atajijua kama yeye ni mlevi au mnywaji.
Mnywaji wa ukweli hupitia hatua kadhaa za ulevi, hatua ya kwanza ni BUSARA. Katika hatua hii pombe humpa mnywaji busara za hali ya juu sana, mnywaji ghafla hujiona ana busara kuliko mtu yoyote duniani. Mnywaji akishafikia hatua hii anakuwa na uwezo wa kuongelea chochote na majibu unakuwa nayo, iwe ni matibabu ya ukimwi au ni namna rahisi ya kuleta maendeleo hapa Tanzania kwa mwezi mmoja tu, au uwezekano wa Tanzania kuwa na serikali nne, au hata dawa ya kumaliza mgao wa umeme nchini kwa muda wa wiki moja, yote hayo mnywaji anakuwa na busara na kuweza kuyaelezea akitoa mifano na kuweza kuielezea, ikinogeshwa na maneno ya Kiingereza hapa na pale na kama ni mwanasheria huongeza maneno ya Kilatini. Mnywaji akiendelea kunywa zaidi huanza kuwa MTANASHATI.  Kwa kweli katika hatua hii mnywaji hujiona ana sura yenye mvuto wa hali ya juu, kama ni mwanaume anakuwa na imani kubwa kuwa wadada wote wakimuona tu wanakuwa na hamu ya kuwa nae, na akiwa mdada katika hatua hii hujiona hakuna mwanaume duniani anaeweza kumkataa, katika hatua hii wote, wanaume kwa wanawake huanza kurembua macho na maneno ya Kiingereza kama Bebi, Swiry au Hani yanakuwa rahisi sana kutamka, hapa ni hatari kwa wahudumu wa kike maana ndipo huanza kusumbuliwa na mnywaji akishafikia hatua hii.
Hatua inayofuata ya ulevi ni kuwa PEDESHE. Katika hatua hii mnywaji anakuwa na uwezo wa kuagizia mtu yoyote kinywaji hasa wale ambao hawajatambua kuwa sura yake inavutia, pesa zinakuwa hazina kazi mfukoni zaidi ya kununulia watu kinywaji, katika hatua hii mnywaji kamwe hanunui soda, eti zina bei ndogo mno kulinganisha na uwezo wake. Kwa wale ambao hawajalewa hii ni hatua ya hatari maana unaweza kupewa kinywaji lakini mnywaji baadae akagoma kulipa. 
Mnywaji akiongeza kilevi huingia hatua ya kuwa BAUNSA. Katika hatua hii mnywaji huwa na uhakika kuwa ana nguvu kuliko mtu yoyote duniani, katika hatua hii pia kimiujiza anajikuta anaweza kuruka Kungfu kwa ufanisi zaidi kuliko Jackie Chan, ni hatari sana kwa mtu yoyote kupinga lolote kwa wakati huu, maana sasa mnywaji anaamini kuwa yeye ni MTANASHATI, PEDESHE wa kutisha aliye na BUSARA kubwa. Mara nyingi mnywaji akiendelea kunywa huingia katika hatua ya kuwa na uwezo wa UCHAWI. Anakuwa na imani kuwa anauwezo wa kutoonekana na mtu yoyoyte japo yuko katikati ya baa. Ikifika hatua hii mnywaji huweza kuamua kukojoa palepale alipo na kuwa na imano kabisa hakuna ane muona kutokana na uwezo wake  wa kujificha nyuma ya kreti moja ya bia, hatua hii huweza kufuatiwa na mnywaji kuamua kuvua nguo zote kutokana na kuamini kuwa joto limezidi. Nategemea wanywaji mmeelewa somo na mnaweza kujiona mko katika hatua ipi mpaka muda huu.

Posted By John KitimeFriday, October 16, 2015

October 10, 2015

karibu chekapolitikitz

PICHA hii ilidaiwa imepigwa Arusha ni uwongo wa kutupwa. Picha hii ni maandamano ya kudai amani ambayo yalifanyika karibuni katika jiji la Conakry Guinea......fuatilia haya na mengine katika Chekapolitiki..
http://chekapolitikitz.blogspot.com

Posted By John KitimeSaturday, October 10, 2015

June 18, 2015

DILI LA KULA BATA MIAKA MITANO MFULULIZO

Ndugu zangu baada ya kutangaza nia wiki iliyopita, na kutokana na kuwa nilikiri sina vipaumbele wala vipaunyuma, nimeungwa mkono na watu wengi sana kisirisiri, nimeungwa mkono na wasomi na wasomaji, viongozi wa makundi mbalimbali yakiwemo ya akina mama na akina baba na wale ambao ni vigumu kuelewa kama ni akina baba au akina mama, pia na makundi mengine hata hayaeleweki maana viongozi wao walikuwa wakivuta sigara ambazo ni wazi hazijatengenezwa kiwandani. Lakini kimsingi waliuliza je, nini kikubwa nitakachokifanya? Maana yote wagombea wengine wameshaahidi watayafanya. Kiukweli ndugu wananchi mimi ndio nafaa, kwanza niseme kwa kiingereza, “I love is my country’ yaani naipenda sana nchi yangu, hivyo siku saba tu za kwanza mtaona mabadiliko ambayo hayajawahi kutokea katika Bongoland yetu. Cha kwanza ni kuwa nitafuta Wizara mizigo nyingi tu, hii itapunguza matumizi ya serikali yangu kwa zaidi ya asilimia 70. Nitabinafsisha wizara kadhaa na kuzifanya ziwe kampuni nakutoa tenda kwa wawekezaji.............inaendelea BONYA HAPA

Posted By John KitimeThursday, June 18, 2015

June 16, 2015

MJUE JOHN KITIME

Kitime-191x300 
NAME: John Kitime  
Aka: Anko
HOBBIES: Kung’oa meno simba walio hai bila ganzi wala nini kwa kutumia koleo. pia napenda mchezo wa kukwepa risasi, au kuzidaka kwa meno.  
GREAT ACHIEVEMENT: Nilikuwa mtu wa kwanza kutua kwenye jua, japo nifanya hayo usiku wakati kidogo joto limepungua. Pia naweza kuzungumza lugha mbalimbali10,956.  
JAMBO KUBWA LA KIJINGA NILILOWAHI KUFANYA: Kuogelea kwenye volkeno nilibabuka sana.
EMBARRASSING MOMENT: Nilishindwa kusukuma treni ili washtue iwake.
JAMBO LA KUJISIFU: Nyoka mwenye sumu kali aliniuma akafa yeye. SIFA ZANGU BINAFSI: SPENDI KUJISIFU
Kujua mambo yangu zaidi kila mara soma www.johnkitime.co .tz

Posted By John KitimeTuesday, June 16, 2015

June 10, 2015

NDUGU ZANGU NATANGAZA NIA

Ndugu zangu ninaomba niwataarifu kuwa nimeamua kutangaza nia. Wahenga walisema, msema kweli mpenzi wa Mungu, na mimi ndugu zangu nitakuwa mkweli kuhusu azma yangu hii ya kutangaza nia. Kwanza nianze na ukweli kuwa hakuna mtu hata mmoja aliyekuja kuniomba kutangaza nia, ila mimi mwenyewe kwa kiherehere changu siku hizi, hata nikilala naota nimekuwa kiongozi mkuu wa Bongoland. Huwezi kuamini hata ninapotembea hili wazo linanijia kichwani hivyo nimeona nichukue maamuzi magumu nitangaze nia.......inaendelea huku

Posted By John KitimeWednesday, June 10, 2015

June 4, 2015

TOA MAWAZO KUHUSU PICHA HII


Posted By John KitimeThursday, June 04, 2015

KIBAJAJI CHA UKWELI


Posted By John KitimeThursday, June 04, 2015

May 28, 2015

BABA MDOGO ANA VICHWA VIWILI



Kuzaliwa kijijini ni raha ya aina yake. Mimi nilizaliwa kijijini, nikakuwa mpaka nafikia miaka minne nilikuwa sijawahi kuona wala kusikia gari likipita kijijini kwetu. Kijijini kwetu ilikuwa raha tu inayoanza alfajiri. Saa  tisa usiku jogoo la kwanza likiwika, bibi alikuwa anaamka na kuwasha moto na kuanza kutayarisha chakula cha asubuhi, hapo atachemsha viazi vitamu, atapasha moto maharage ya jana, kama kapata sukari atapika na uji, ukiwa tayari anakuamsha ukanawe uso, na maji baridii, kisha unakuta chakula cha kueleweka, sio kimjini mjini eti kikombe cha chai ya rangi ndio mtu unatoka kuanza siku, hapana hapo unaanza siku na i viazi vitamu vilivyochemshwa au kuokwa kwenye majivu, maharage, uji wa sukari umetiwa ndimu, siku nyingine ugali kwa mboga ya majani au maziwa ya mgando ukimaliza hapo kitumbo ndii, mnasindikizana na bibi shambani, jua halijachomoza hapo bado giza la alfajiri. Ndege aina mbalimbali wanaimba, mnapita njia  nyembamba yenye umande kuelekea shambani. Ukifika shambani wewe kazi yako kupiga kelele kufukuza ndege wasile mazao wakati bibi analima au anapalilia. Hapo ndipo utakapojifunza kutumia manati kuwinda ndege. Ilieleweka kuwa ukiweza kumpiga mbayuwayu, unajichanja halafu unapaka damu yake basi unakuwa na shabaha sana maana kumpiga mbayuwayu si kazi rahisi, ndege huyu ni hodari sana kwa kukwepa.
Siku ambayo sitaisahau ni siku ya kwanza kuisikia na kuiona pikipiki. Tulikuwa tunatoka na bibi shambani, ghafla kwa mbali nikasikia sauti mpyaa, kama kitu kinachanika praaaaaaaaaaaa, nikamuangalia bibi kwa wasiwasi, sauti ikazidi kutukaribia, nikajishikilia kwa bibi. Hatimae kupitia kanjia kembamba kikatokea kitu chenye sauti ya kutisha na mtu mwenye kichwa kikubwa cha mviringo, kikasimama jirani yetu sauti ya ile niliyoisikia ilikuwa inatoka kwenye kitu hiki, kilikuwa kinatisha kweli, bila kujijua nilikwisha jikojolea kwa woga, mbaya zaidi si nikaona yule mtu anajinyofoa kichwa, nikajificha nyuma ya bibi. Bibi nikamsikia kwa furaha anataja jina la yule mtu, ambaye sasa alikuwa kazimisha ile kelele akaja akamkumbatia bibi wakaongea kwa furaha, cha kutisha ni kuwa alikuwa na vichwa viwili kimoja kikubwa cha mviringo kakishika mkononi. Bibi akanambia, “Msalimie baba yako mdogo”. Nilikuwa naogopa hata kumuangalia usoni, japo nilipojaribu kumuangalia nikaona ana sura ya upole, lakini kichwa alichokuwa kashika mkononi ndio kilikuwa kinanitisha. Bibi akasema twende nyumbani, baba mdogo akanambia twende wote nipande kile kitu cha kutisha, nilichomoka mbio na kuingia porini nikawahi nyumbani, tena nikaenda kujificha kwenye ghala la mahindi.
Muda si mrefu nikawasikia bibi na baba mdogo wamefika, nikachungulia kwenye katundu kadogo nikamwona baba mdogo kaegesha lile likitu lake lenye kelele, akaweka na kile kichwa chake juu ya lile likitu akapewa kiti akakaa. Bibi akaanza kuniita, nikalazimika kujitokeza, maana bibi alikuwa kikuita unaenda, kwani ukimkorofisha kipigo chake si kawaida. Bibi na baba mdogo wakawa wanajaribu kunitoa woga, baba mdogo akanipa pipi aliyoitoa kwenye koti lake, kidogo moyo ukatulia, lakini macho yangu kwenye lile lidude lenye kelele. Baba mdogo akanambia kwa upole, “Hiyo inaitwa pikipiki usiogope, inasidia kusafiri, unapanda kama punda”. Baba mdogo  alishinda siku nzima, ndio nikajua kumbe yeye anakaa mjini, akanambia iko siku atanipeleka mjini nikapaone kuna pikipiki nyingi sana. Miaka mingi sana imepita toka siku ile, nilikuja mjini nimekuwa dreva wa bodaboda maarufu, huwa nikikumbuka kuwa  siku ya kwanza kuiona pikipiki niliiogopa mpaka nikajikojolea huwa nacheka peke yangu, nacheka zaidi kila ninapovaa au kuvua helmet, nikikumbuka kuwa nilikuwa naona kama vile baba mdogo eti alikuwa na vichwa viwili.

Posted By John KitimeThursday, May 28, 2015

May 26, 2015

CHEKIBOB KACHANIKA MAKALIO


Chekibob kaget krash kwenye mnuso akalewa njwiii, akaondoka huko na chupa nyingine za Nyagi kaweka mifuko ya nyuma ya KATA K yake. Sababu ya ulevi alipofika karibu na kwake akateleza akaangukia makalio chupa zikavunjika na kumchanachana makalio. Akajikongoja mpaka ndani kwakwe, alipovua suruali akaamua kujitibu kwa kubadika plasta kwenye vidonda, basi kwa msaada wa kioo cha kabati lake akawa anajiaangalia palipo na kidonda na anabandika plasta. Hatimae akaona amefanya kazi nzuri akajitosa akalala...... Asubuhi alipoamka, akashangaa kioo chote kimebadikwa plasta na makalio yanauma

Posted By John KitimeTuesday, May 26, 2015

May 23, 2015

MAPENZI AU UFALA =HEBU COMMENT



Posted By John KitimeSaturday, May 23, 2015

May 14, 2015

HIVI WEWE NI RAFIKI WA AINA GANI?


Ukipenda usipende rafiki zako wamekuweka katika kundi fulani, unaweza kuwa na mtu ambaye rafiki zako wanakukumbuka kila mara kwa kukutakia mema, au unaweza kuwa aina ya rafiki ambaye rafiki zako wakikuona tu wanaanza kukutukana na kukulaani. Sasa wewe unajijua rafiki zako wamekuweka kundi gani? Inawezekana wewe ni aina ya rafiki ambaye unakumbukwa tu kama kukiwa na mnuso au watu wanataka kutoka out,  hasa kama una pesa au gari, lakini kama hakuna ishu hakuna anayekutafuta. Au wewe ni aina ya rafiki ambaye watu wakiishiwa ndio wanakukumbuka? Maana unauwezo wa kumkopesha mtu hata akipiga simu saa nane za usiku, bila matatizo unamtumia  hela tu, halafu uzuri wake wew huwa hudai kiviiile. Halafu kizuri  zaidi siku za sikukuu unawakaribisha wote unaowadai kwa bonge ya mnuso, tena kiroho safi. Au wewe ni yule rafiki ambaye akiombwa mchango, hata ile michango ya kiajabu ya kisiku hizi inayosema mchango si chini ya laki we unatuma tu, halafu kwenda shughuli huendi? Au wewe ndio wale marafiki ambao kamwe hawachangii mchango wowote, hata kama unamsaidia? Au wewe ndie aina ya rafiki ambaye ukisikia mwenzio anashida lazima uhangaike kumsaidia, hata kama ukisikia yuko gerezani Uchina utaenda tu kujaribu kumtoa? Yaani aina ya wale tunaowaita marafiki wa ukweli? Tatizo ni kuwa marafiki wa dizaini hii wako wachache sana. Au wewe ndio wale marafiki ambao hawana doa, wana kazi nzuri, nyumba nzuri, wanavaa vizuri, wana stori nzuri, wana roho nzuri, yaani mpaka wenzio wanataka kuwa karibu na wewe kila mara? Au wewe ndiye yule rafiki ambae wenzako wanakufanya kichwa cha habari kila wakikutana? Kazi yao kukuongelea wewe tu na vituko vyako, ukitokeza tu wanaanza kukuchekea na kukukaribisha, ukigeuka tu stori ni kuhusu wewe, ulivyofumaniwa huku, ulivyoiba kule, ulivyofukuzwa kazi mwaka juzi, yaani wewe ndie chachu ya mazungumzo? Au wewe ndie yule rafiki anaedai anamjua kila mtu? Ukiulizwa kuhusu Ikulu, kuna mtu unamjua, TRA kuna mtu unajua, msikitini  kuna mtu unamjua, kanisani kuna mtu unamjua, Bongomuvi kuna mtu unamjua, Bongoflava kuna mtu unamjua na wote hao unadai unawajua kiundani, au wajomba zako au unawadai? Au wewe ndie aina ya rafiki ambae unajua mambo yote kuhusu rafiki zako? Majina ya wake zao, waume zao tarehe zao za bethdei, maduka wanayonunua nguo, pafyumu wanazotumia, hata dawa walizokunywa walipougua mara ya mwisho? Au wewe ndie aina ya rafiki watu wenzio wakikuona mapema wanakukwepa maana huna siri kila unalosikia na kuona haraka sana unalisambaza? Na kwa siku hizi za mitandao ya kijamii watu wanakukwepa kama ukoma. Au wewe ni aina ya rafiki ambaye ukimuona rafiki yako yoyote lazima umpige mzinga, hata kama umeshinda mamilioni ya Zembwela jana yake tu? Maana kuna wengine hawaombi kwa kuwa wanashida laa wanaomba kwa kuwa wamezoea kuomba, hata kama mfukoni ana alfu kumi akikuona mkononi una shilingi mia mbili, ataomba mgawane. Haya wewe ni rafiki aina gani?
Tukutane www.johnkitime.co.tz

Posted By John KitimeThursday, May 14, 2015

April 23, 2015

MI NAKUFA SASA WANANGU

JAMAA alikuwa kitandani hospitali hoi, akaita familia yake, akawambia sasa nataka kugawa urithi, “Wewe mwanangu wa kwanza nakuachia nyumba za mitaa ya Masaki, barabara ya Laibon na Zambia ni yako. Mwanangu wa pili nakuachia nyumba za mtaa wa Mindu kule Upanga. Mke wangu mpendwa nakuachia nyumba za..................INAENDELEA HUKU

Posted By John KitimeThursday, April 23, 2015

April 9, 2015

MI NIMERITHI AKILI KWA NANI?

DOGO: Eti baba mimi akili nimerithi kwanani?
BABA: Itakuwa umerithi kwa mama yako mimi zangu bado ninazo

Posted By John KitimeThursday, April 09, 2015

April 8, 2015

JAMAA YETU YAMEMKUTA MAKUBWA WALAHI

YAMEMKUTA jamaa yangu wa karibu sana, hana raha kabisaa. Ile methali ya kusema usilolijua halikusumbui, ndugu yangu kaigundua kuwa ni ya kweli. Mimi kwa kweli namuonea huruma. Naomba na wengine mtakayoisikia jifunzeni kutokupekua mambo yaliyopita, au kuuliza maswali magumu unaweza kupata majibu magumu. Sasa angalia jamaa yangu yuko hapa kwangu analia kakonda kwa muda wa nusu siku tu na hajui maisha yataendeleaje.........INAENDELEA HUKU

Posted By John KitimeWednesday, April 08, 2015

WACHEKAJI WA ZIADA

MABOSI WA HII BLOGU

WANAOPENDA KUCHEKA

UA-35416264-1